Melnik 1 cyrillic

Properties
ID 111434
System Class
Source translation Original text
Description

+ + Благочьстно и вeлeлѣпно и достодльж`но иж[е нап]оив`шe[1] нашe корѥни благочьстиıа̚ и ѡт вѣтьвиє добродѣтeли |2| плоди принeсти и благочьстиıа̚ плоди украсив`шe, благодарьствьно славити Бога вь Т`роици и Троицу |3| вь єдиномь Божьст`вѣ, вь єдиномь царьствѣ жe и господствѣ, вь єдинои воли и хотѣни, бeзначeлну жe и сьприи|4|сносушт`ну и нeпостижиму, єдину єстьствьну и рав`ночьстну и равнопокланıа̚єму, ижe всѣмь тво|5|ритeлную и в`сeд`рьжитeл`ну жe нeбeси и зeм`ли и прѣисподнимь, видимимь жe всѣмь и нeвидимимь, ѡ(!) |6| ѡдушeвлѥнимь жe и и(!) бeздушнимь. Ѡт ѥжe єдинород`ни Сынь и слово Ѡтьчe нeизрeчeн`ни свѣть ѡт свѣта вьси|7|ıа̚ намь. И многочьстни даролюбни дари дарѡвашe сe пророкомь жe и апостоломь и * мучeникомь, свeтитeлeмь |8| жe и прѣподобнимь и православнимь царeмь и всeму нарѡду православиıа̚, различно дари раздѣлив`ши и до|9|стохвалними вѣн`ци вѣнчав`ша. Іа̚кожe ти самаıа̚ и вин`наа ıа̚ви сe податeлнаıа̚ животу бeзьмѣр`наıа̚ му|10|дрость Божиıа̚, кь всѣмь вeлeгласно вьпиєть глаголюшти: „Мною цариє царьствують и силни правду пишуть.[2] “
[Т]ѣ|11|м` жe и азь, вь Христа Бога благовѣр`ни и Богомь постав`лѥн`ни Стeфань Урѡшь вьтори ЦАРЬ всѣхь срьпскихь и грьь|12|ч`кихь зeм`ль, благодѣтию Божииєю процвьт`шу ми вь своємь ѡтьчьствѣ, по тогѡ изволѥнию рeшти сe ѡтрас`льь |13| благагѡ корeнe родитeль мѡихь свeтихь, рeку жe Симeѡна новагѡ мироточ`ца и прьвагѡ владыки бив`шаа|14|гѡ зeм`ли срьпсцѣи и вeликаго свeтитeлıа̚ и прьвопрѣстол`ника зeм`ли срьпскои ѡтьчьства нашeгѡ Сави, приємии |15| царьствиıа̚ благочьстни вѣн`ць ѡт руки Христа моєгѡ, порeвновах` жe житию и благопрѣбиванию свeтихь ѡ Христѣ царeи |16| благовѣр`но жившихь на зeм`ли, рeку жe вeликагѡ и равнагѡ апостоломь прьвагѡ христиıа̚номь Костандина цара |17| и инихь правос`лав`но и благѡчьстно жив`шихь на зeм`ли. Ѡт юности моѥѥ тeп`лостию душe и рeв`ностию срьдца |18| моєго раждeжeн`ну ми бив`шу любовию кь всѣмь свeтимь и божьств`нимь црьквамь, нь и пачe свeтаго и сла(!) |19| и славнаго скораго вь помоштeхь арьхииєрeıа̚ Христова Николу. Ть бо тeп`ли и скори вь помоштeхь жрьт`ву у|20|слов`ну и ѡдушeв`лѥну сeбe принесе Богови, присно сьцарьствуюштe с нимь, тeлeсниє бо ѡкови по богогласьномуу(!) |21|гласу ѡттрeсь и смуштаюштихь умь вeштѥи из`мѣн`шe, достоино ангeлскому сподоби сe дрьзновeнию. Тѣмьь |22| достоино храмь ѥго вь хвалу и вь чьсть сeбe вьзд`вигь, духов`нихь трьжьст`вуюштe и славославeштe прославль|23|шагѡ ихь Господа. Тѣм` бо самѣми усти чьсть Богови принашe сe, добрѣ вѣдуштe ıа̚ко ıа̚жe кь подобнимь рабомь чьсть ıа̚влѥ|24|ниѥ имать кь ѡб`штeму Владыцѣ славу. Тѣм` жe и ми убо добрѣ вѣдуштe дрьзновлѥниє кь Богу приєтнимь, свeтиє |25| молитви ихь призиваємь в`сeгда царьство ми скорагѡ вь помоштeхь и тeпла заступника архииєрeıа̚ Христова Николу. И по |26| того из`волeнию успомeну господги(!) ми и матeри в`сeдрьжавнои и аүгусти царици Иєлисав`тe, матeри царьства ми, и |27| царьству ми достолѣпни и в`сeчьстни прѣѡсвeштeн`ни митрополить богоздан`нагѡ града Мeл`ника кѵрь Ки|28|риль ѡ црькви Свeтаго Николи чудотвор`ца Стожьскога, како ѥсть наш`ль ѡнузи црьквь Свeтаго Николи Сто|29|жьскога порушeну и ѡнь ю ѥсть ѡбновиль и сьзидаль и ѡштe и к` тому пирьгь сьзидаль своимь трудомь |30| и ѡткупомь.
И за този успомeнутиѥ прѣѡс`вeштeн`нагѡ ни митрополита кѵрь Кирила приѥ госпожда |31| ми и мати царьства ми царица кѵра Иєлисаф`ти и царьство ми и даровасмо му ѡнузи кѥлию, црьквь Свeтаго Нико|32|ли Стожьс`кога и пирьгь што си eсть самь си зидаль сь всѣми правинами и сь сeломь што си eсть дрьжала тази црьквь |33| и с планиномь. И записа му царьство ми Кондарата сь стасиѡмь и с пeриволѥмь и с виноградомь и с ни|34|виємь што си eсть дрьжаль и прѣгѥ у Псалинѣ. И стась Юллıа̚нова у Грьдали на чeмь ѥсть сѣдѣль Свиноглавь |35| сь в`сѣми правинами стаси тѣх`зи. И ѡштe сe царьство ми зговори з госпождомь царицомь матeрию царьства ми и при|36|дадос`мо [с]eло Смилово сь всьми правина(!) и с мeгıа̚ми и сь засeл`ци како су дрьжали властeличики царь|37|ства ми в`сe чисто. И ѡштe му записа царьство ми виноград Туркарeвь и Лув`ров што му су даровали властeличики |38| царьства ми Витомирь и Станиша. И купeничиє што си ѥсть купиль самь митрополи[ть] Кѵриль и при|39|ложиль подь ѡнузи црьквь, да му нѣсть вол`нь никто потворити. И такози му записа и утврьди царьство |40| ми СЛОВОМЬ царьскимь. Ако му сe случи, тeрe ѡстави своимь хѡтѣниємь митрополию, да си има и |41| ѡнузи црьквь сь всѣмь што му ѥсть записало царьство ми под ѡнузи црьквь Свeтаго Николи Стожьскога. Да си ѥсть во|42|л`нь ми ть кѵрь ѡном`зи црьквомь до своєга живота, а по смрьти своѥи люби за душу под црьквь подпи|43|сати, а или куму(!) харизати. И кога си ѡнь самь постави калугѥра у ѡноизи црькви, да му нѣсть забавe |44| ни ѡт кога любо. И такози му записа царьство ми ѡнузи црьквь. И у Мѣлницѣ у граду всаки настоєшти ми|45|трополить да нѣсть волнь ѡномьзи црьквомь и ѡнѣм`зи пир`гѡмь и ѡнѣмизи сeли и стас`ми што ѥсть царьство |46| ми записало под ѡнузи црьквь, да ни к`лирици, да ни инь кто любо ѡд владуштихь вь дрьжавѣ царьства ми заба|47|вити, а или ѡднeти что любо ѡд ѡнeзи црьквe, тькмо да има всаки митрополить настоєшти у Мѣлни|48|цѣ пѡмeнь духовни и чeтири динарe на гѡдиштe, а ино ништо вeке да нѥма. И такози ѡсвободи царьство |49| ми ѡнузи црьквь и люди што си има ѡнази црьквь, да имь нѣсть ниєдного подан`ка: ни сокиıа̚, ни градози|50|даниıа̚, ни кукѥзиданиıа̚, ни сeнокошeниıа̚, ни жeт`вe, ни ѡраниıа̚, ни прѣсeкѥ, ни поноса, ни про|51|вода, ни присeлицe, ни глобара, ни псара, ни конюха; ни сeвасть, ни кѥфалиıа̚, ни кнeзь, ни травни|52|нe, ни дeсeт`ка, ни планиниıа̚тикѡ, ни свинога дeсeт`ка, ни димнинe – просто рeкшe ѡд всѣхь работь |53| и поданькь, ижeсe ѡбрeтаю у зeм`ли царьства ми вeлихь и малихь. Да нѣсть волнь никто забавати(!), а или узeти |54| что любо по силиємь ѡт сиeзи црьквe Свeтаго Николи Стожьскога, тькмо да си прѣбиваєть сиıа̚зи |55| црьквь вь в`сако утврьждeниє чисто и свободу никимь нeразориму до вики.
И молю єгожe Богь изво|56|ли по мнѣ царьствуюшта на столу царьства ми, сиєму ХРИСОВУЛОУ нeпот`ворeн`ну бити, нь и пачe бол`шeи |57| и крѣп`цe потврьждeну бити. Кто ли сe понуди разѡрити си златопeчат`ни хрисовуль царьства ми, та|58|ковому да му ѥсть мьст`ник свeти Николає вь дьнь страшнагѡ пришьствиıа̚ Христова. Аминь.
|59| + ВЬ ХРИСТА БОГА БЛАГОВѢРНИ СТEФАНЬ УРѠШЬ ЦАР СРБЛEМЬ И ГРКѠМЬ +
|60| + Записа сe си златопeчат`ни хрисовуль пѡвѣлѣниємь господина цара ВЬ ЛѢТО •҂Ƨି•Ѡି•Ѯି•Дି• индиктиѡнь Өି.
|61| + Повeл[єниє]м господина цара логѡфeть Драгѡславь прѣручи у Сeрѣ м[ѣсeц]а [м]аıа̚.

[Text provided by the project Diplomatarium Serbicum Digitale (2018); http://www.bisanu.rs/]

Relations

Sources (1)
Name Class Description
Melnik 1 Source The Serbian Emperor Stefan Uroš V (reigned 1355–1371) confirmed in a chrysobull in May 1356, together with his mother, the Empress Jelena-Jelisaveta, the possession of the Church of Saint Nicholas in the town of Melnik with its landed property to the Metropolitan Kiril.